Pwojè 2021: Pwojè Nou, Lavni Nou

Nan lane 1994, baze sou bezwen yo t ap wè nan kominote nou an, de enfimyè te gen yon vizyon pou yon sant sante kominotè ki ta bay sèvis pou rezidan ki gen ti revni sou bò lwès Indianapolis. Yon ane apre, nan lane 1995, Sant Swen Sante Shalom te fèt.

Nan dat 22 Jiyè 2021, Shalom te selebre renovasyon kanpis li a ki nan 34th Street la avèk yon evènman kominotè pou onore fondatè nou yo, Su Moore ak Sandy Burgener — ansyen pwofesè nan Lekòl Syans Enfimyè Inivèsite Indiana. Renovasyon yo te elaji epi amelyore sèvis yo pou pi byen reponn a bezwen k ap grandi pasyan nou yo ak kominote a: amelyore aksè ak efikasite klinik la, elaji kapasite laboratwa a, amelyore sikilasyon pasyan yo, bay sèvis pou COVID-19, epi kreye zòn izolasyon adisyonèl pou sekirite pasyan nou yo.

Envite yo te vizite enstalasyon yo ki renove, aprann kijan Shalom ap fè yon diferans atravè Indianapolis, epi tande sou wòl esansyèl Sant Sante Kalifye Federal (FQHCs) yo jwe nan kominote nou an.